Li ser rêya Wan-Colemêrgê otobusa rêwiyan û TIRek li hev ketin. Di encama qezayê de kesekî jiyana xwe ji dest da, 9 kes jî birîndar bûn.
Li ser rêya Wan-Colemêrgê de li herêma Gundê Zerenî ya bi ser navçeya Elbaka Wanê ve otobusa rêwiyan a fîrmaya Star Diyarbakirê ku ji Geverê ber bi Wanê ve diçû û TIRa ku ji aliyê Wanê ve dihat û diçû Geverê li hev qelibîn. Li ser agahîdayînê tîmên tendirûstiyê û rizgarkirinê gihîştin cihê bûyerê û mudaxileya ewil kirin.
Li gorî agahiyan di encama qezayê de ajokarê TIRê Ramazan Guven li cihê bûyerê jiyana xwe ji dest da û welatiyên bi navê F.T, F.O, C.D, Ş.Î, A.B, S.B, P.B û 2 welatiyên ku navê wan nehat zanîn jî birîndar bûn. Tîmên tenduristiyê, birîndaran piştî mudaxileya li cihê bûyerê rakirin Nexweşxaneya Dewletê ya Geverê.
Hat zanîn ku têkildarî qezayê lêpirsîn hatiye destpêkirin.
