Wezîrê Dadê Yilmaz Tunç, têkildarî peyama Rêberê Gelê Kurd Abdullah Ocalan diyar kir ku daxwaz hebe dikarin binirxînin û wiha got: “Dikare name bişîne, lê bi videoyekê û weşana zindî ne mijara gotinê ye.”
Wezîrê Dadê Yilmaz Tunç, li ser peyama ku tê payîn Rêberê Gelê Kurd Abdullah Ocalan PKK ji bo Newroza Amedê bişîne axivî. Wezîr Yilmaz Tunç, anî ku dikare name bişîne û bi telefonê biaxive û got: “Telefon û name di mewzûatê de hene. Lê mijara video û girêdana weşana zindî ne mijara gotinê ye. Dikare name bişîne. Lê heta niha daxwazek wisa nehatiye. Eger daxwazek wisa bê em dikarin binirxînin. Ku ji bo Newrozê name bişîne jî divê li gorî ruhê bangê be.”
Li ser pirsa Abdullah Ocalan dikare ji mafê hêviye sûdê bigire an na jî Wezîr Yilmaz Tunç wiha got: “Niha mafê hêviyê di mevzû atê de tune ye. Niha daxwaza mafê heviyê ne mijara gotinê ye.
