Daîreya 8emîn a Şûraya Dewletê serlêdana parêzerên Ekrem Îmamoglû ya temyîzê red kir. Bi vê geşedanê re batalkirina dîplomaya Îmamoglû teqez bû.
Serlêdana temyîzê ya Ekrem Îmamoglû a li dijî batalkirina dîplomaya xwe de kiribû hate redkirin. Bi vê biryarê re batalkirina dîplomayê ya Îmamoglû teqez bû. Biryarê hê ji parêzerên Îmamoglû re nedîtiye şandin di Rojnameya Sabahê de hat ragihandin.
Zanîngeha Stenbolê di 18ê Adarê sala 2025an de bi daxwaza Serdozgeriya Komarê ya Stenbolê dîplomaya Şaredarê ÎBBê Ekrem Îmamoglû batal kir. Piştre Îmamoglû hat binçavkirin û girtin.
Piştî biryara batalkirina dîplomayê, Îmamoglû ji bo batalkirina biryarê serlêdan kiribû. Dadgeha Îdare ya 5emîn a Stenbolê serlêdanê red kiribû. Pitşte serlêdana îstînafê jî ji aliyê Dadgeha Îdare ya Herêmê ve nehatibû qebûlkirin. Di dawiyê parêzerên Îmamoglû ji bo temyizê serî li Şûrayê Dewletê dabûn. Li gorî Rojnameya Sabahê ku nêzî desthilatdarê ye, Daîreya 8emîn a Şûrayê Dewletê serlêdana parêzerên Îmamoglû ya ji bo temyîzê red kiriye. Bi vê encamê biryara batalkirina dîplomaya Îmamoglû teqez bû.













