Muhafizên Şoreşê yên Artêşa Îranê gelek hêzên leşkerî sewqî bajarê Merîwanê kir.
Li gor nûçeya Tora Mafên Mirovan a Kurdistanê (KHRN) îro danê sibê gelek hêzên Muhafizên Şoreşê sewqî gundê Goyleh ê bajarê Merîwan ê rojhilatê Kurdistanê hatine kirin. Li gor agahiyên şêniyên herêmê dane li gel hêzên leşkerî gelek balafirên bêmirov û bataryayên topan jî sewqî herêmê hatine kirin.
Di demên dawî de Artêşa Îranê li ser herêmên girêdayî bajarên Merîwan, Kirmanşah û Sineyê operasyonên balafirên bêmirov pêk tîne.
