* Nûnerê DFGê yê Wanê rojnameger Adnan Bîlen û nûçegihana Ajansa Mezopotamyayê Zeynep Dûrgût bertek nîşanî sansura desthilatê ya li ser saziyên çapemeniyê û rojnamegeran dan û diyar kirin ku Çapemeniya Azad di pêvajoya Aştî û Civaka Demokratîk de bi rola xwe radibe û wiha gotin: “Pêşiya me negirin, bihêlin nêrînên birêz Ocalan û Tevgera Azadiyê bigihîje gel da ku civak baweriyê bi aştiyê bîne.”
* Dayika endamê Tevgera Azadiyê Çekdar Bexwedan ku di sala 2018an de jiyana xwe ji dest dabû, Medîha Înce xwest ku aştiyeke mayînde pêk bê û wiha got: “Heta em bikaribin em ê li pey doza xwe û şehîdên xwe bin.”
* Serhat Orak (Bager Tetwan) li dijî zilm û zordariya li ser Gelê Kurd di sala 2015an de tev li refên Tevgera Azadiyê dibe û di 11ê Cotmeha 2016an de jiyana xwe ji dest dide. Raîfe Orak di salvegera şehadeta lawê de derbarê sekn û kesayeta kurê xwe de axivî û wiha got: “Bêtirs bû û ji bo hevalên xwe dilovan bû. Zilm û zordarî qebûl nedikir.”
* Endam û mamosteyê MED-DERê Rodî Zinar da zanîn ku serlêdanên kursên wan heta 15ê Cotmehê didomin û anî ziman ku heta niha nêzî 2 hezar kesan serlêdan kiriye.
* Dayika Aştiyê Meryem Bûlût jî yek ji qurbaniyên Komkujiya 10ê Cotmehê ye. Meryem Bûlût a ku ji bo aştiyê kêiliyek nedisekinî di komkujiya hovane de xatir ji aştiyê xwest. Dayika Aştiyê Sûltan Bozkûrt diyar kir ku hevala wan Dayika Meryem ji bo aştiyê çûbû Enqerê.
* Kongreya 50emîn a Baroya Amedê dê li Navenda Çand û Kongreyê ya Çand Amedê ku dê îro bi hilbijartinê bi dawî bibe. (09:00)
* Komeleya Wêjekarên Kurd dê ji bo nivîskar Mehmed Ûzûn dê li ser gora wî û li pirtûkxaneya Mehmed Ûzûn a li Sumerparka navçeya Bajarê Nû bernameya bîranînê li dar bixe. (12:00)
* Şaredariya Bajarê Mezin a Amedê dê Tesîsên Civakî ya Hamravatê bi merasîmekê veke. (15:00)
* Li navçeya Fatîhê ya Stenbolê dê Komaleya Xwendekaran a Çand û Hunerê ya Arîn bi bernameyekê were vekirin. (15:00)
