Muracatanê atolye û kursanê hunerî yê dewro newe yê muzîk, resîm, seramîk û cam fuzyon yê Şaredarîya Amedî ya Şaristanê Girdî dest pêkerd.
Serekîyê Dayîreyê Kultur, Huner û Karê Komelkî yê Şaredarîya Amedî ya Şaristanê Girdî, programê kursanê muzîkî û atolyeyanê hunerî yê ke seba dewro newe plan kerdbî, eşkera kerd.
Eynî wextî de, atolyeyê resîmî yê ke seba grûbanê emrî yê cîya-cîyan zî tede yê, programê bêpereyî rê qeydan dest pêkerd û do hetanî 5ê teşrîna verêne dewam bikerê. Kursê muzîkî yê ke do Konaxê Cemîlpaşayî de bêrê viraştene de, do perwerdeyê keman, gîtar, pîyano, saz, flute, lulî û ney bêrê dayene. Merkezê Kultur û Kongreyî yê Çand Amedî de zî, do seba pîlan û gedeyan atolyeyê resîmî yê cîya-cîya bêrê organîzekerdene. Programî de atolyeyê seramîk û cam fuzyonî zî do ca bigêrê.
Kesê ke wazenê tewrê kurs û atolyeyan bibê, do bieşkê muracatê xo hetanî 5ê teşrîna verêne, (dismek.diyarbakir.bel.tr) adresî ser o bikerê. Kursê ke kontenjanê înan sînordar ê, do 12ê teşrîna verêne de dest pêkerê.
