Festîvala Kultur û Hunerî ya Şaredarîya Tetwanî ya 58. ke bi sloganê “Tetwan de kultur est o, huner est o, ma est ê” virazîyeno, roja xo ya 2. de bi konseranê girseyîyan dewam kerd.
Festîvala Kultur û Hunerî ya Şaredarîya Tetwanî ya 58. ke bi sloganê “Tetwan de kultur est o, huner est o, ma est ê” virazîyena, roja xo ya 2. de bi konserê hunermendan Mehmet Atli, Rûken Yilmaz û Koma Agirê Jiyan dewam kerd. Roja 2. ya festîvalî de zî warê festîvale hetê şarî ra ame pirrkerdene. Verê cû Hunermend Mehmet Atli vejîya sehneyî ser û bi deyîranê xo şar coşna. Beşdaran verê deyîranê Mehmet Atli de bi zerrîya xo govend girewte.
Badê ra Hunermend Rûken Yilmaz vejîya serê sehneyî. Rûken Yilmaz deyîrê xo seba şarî vatî û şarî zî bi keyfweşî goş na deyîran ser. Tewr peyên Koma Agirê Jiyan ke raya verêne Tetwan de konser da, vejîya sehneyî ser. Şarî Koma Agirê Jiyan bi heyecanêko gird pêşvazî kerd.
Koma Agirê Jiyan bi deyîranê xo yê ke bi serran o hetê mîlyonan kesan ra yenê goşdarîkerdene, ciwîyayîşê şewêka wina seba beşdaran do qet nêro vîr ra kerdene.
Programê meşte yê festîvalî
Bi konsera Koma Agirê Jiyan roja 2. ya festîvalî qediya. Festîval do meşte bi performansa Gerok MA, Şanoya BKM Arsen Paladov, konserê Koma Peyal û Hunermend Delîl Dîlanerî dewam bikero.
