Hevserokên Giştî yê DEM Partiyê Tulay Hatîmogullari û Tuncer Bakirhan derbarê enflasyon, xetereyên jeopolîtîk, aloziya borsaya Stenbolê û bihabûna sotemeniyê daxuyanî dan û xwestin derheqê vê mijarê de Meclis beriya ku di 1ê Cotmehê de vebibe, bicive.
Hevserokên Giştî yên DEM Partiyê Tulay Hatîmogullari û Tuncer Bakirhan derbarê aloziya di borsaya Stenbolê de derketiye, bihabûn û zemên sotemeniyê, xetereyên jeopolîtîk û enflasyona heyî daxuyaniyeke niviskî da. Buroya Çapemeniyê ya DEM Partiyê daxuyaniyê li çapemeniyê û raya giştî belav kir. Di daxuyaniyê de hate destnîşankirin ku li dijî vê yekê divê Meclisê di 1ê Cotmehê de beriya vebibe, bicive û li ser van mijaran gotûbêj bike.
Di daxuyaniyê de hate diyarkirin ku divê desthilat li dijî bihabûn û bêçaretiya welatî, esnaf û hemû beşên civakê gav biaveje. Her wiha di daxuyaniyê de hate destnîşankirin ku aboriya Tirkiye demeke dirêje nikare ji krîzê derbikeve û ev yek bandorê li ser rizandina civakê dike. Hevserokan di daxuyaniyê de bal kişand ser aloziya borsaya Stenbolê û di daxuyaniyê de wiha hate gotin: “Niha divê bê pirsîn; Saziyên venêhirtinê li ku bûn. Kaosa borsaya Stenbolê jî nîşan dide ku bi milyonan welatî di nava krîzeke pir alî de ne. Aliyekî vê krîzê dizî ye û saziyên bêliyakat û venêrtinê nakin û xirab bi rêvebirina aboriyê ye. Li hemberî vê tabloyê bi awayekî berpirs tevgerîn ne tenê erka desthilatê ye lê erka Meclis û saziya siyasetê ye. Weke DEM Partî em banga dikin ku divê Meclis li benda 1ê Cotmehê nesekine û bi awayekî awarte bicive.”
