Otobusa rêwiyan a ji Amedê ber bi Stenbolê ve diçû di rê de qeza kir û şewitî. Di encama qezayê de 2 kes mirin 8 kes jî birîndar bûn.
Duh bi şev li ser Otobana Marmaraya Bakur û li nêzîkî Gişeyên Işiklarê otobusa bi plakaya 23 AFA 634 qeza kir. Li gorî agahiyan ajokarê kontrola dîreksiyonê winda kir, li bariyerên kêleka rê xist û bi temamî şewitî.
Bi agahîdayînê tîmên agirkujî, polîs û rizgarkirinê sewqî cihê bûyerê hatin kirin. Walîtî ragihand ku piştî qeza û şewatê 2 kes jiyana xwe ji dest dan yek jê bi giranî, 8 kes jî birîndar bûne.
Piştî qezayê lêpirsîn hate destpêkirin.
