Mehmet Saît Yildirim ê ku piştî anjiyoyê rakiribûn servîsa lênêrîna awarte, birin serwîsa qawîşa girtiyan û rewşa wî ber bi başiyê ve diçe.
Girtiyê nexweş Mehmet Saîd Yildirim ku ji sala 1995an ve girtî ye û li Girtîgeha Jimare 1ê ya Kiriklarê YA Îzmîrê tê ragirtin, piştî ku di dema hevdîtina bi lijneyê re duh krîza dil derbas kir û wî rakirin Nexweşxaneya Bajêr a Îzmîrê. Di encama anjiyoyê de li ser her du damarên wî balonek hate teqandin û stent li dilê wî dan.
Piştî ku Yildirim rojekê li beşa lênêrîna awarte ma, beriya niha ji wir hate derxistin û birin qawişa girtiyan. Hat gotin ku rewşa wî ya tenduristiyê ber bi başiyê ve diçe.
