Hemsereka Pêroyî ya DEM Partîye Tulay Hatîmogullari bertek nîşan tayînkerdişê qeyûmî yê Şaredarîya Şaristanê Girde ya Wanî ra da û va: “Gelo armancê qeyûmî, astengkerdişê pêvajo yo?” Tuncer Bakirhan zî va: “Ma do sey şarê xo yê Wanî têkoşîn bidê.”
Hemserekê DEM Partîye Tulay Hatimogullari û Tuncer Bakirhan merkezê pêroyî yê partîye de heqê pêvajoya çareserî ya problemê kurd û tayînkerdişê qeyûman de beyanat dayê.
Beyanat de sifte Tulay Hatîmogullari qise kerd û bertek nîşanî tayînkerdişê qeyûmî yê Şaredarîya Şaristanê Girde ya Wanî da û tayînkerdişê qeyûmî sey “darbe” name kerd.
Tulay Hatîmogullari, bi domdarî va ke her roj bi tundîya dewlete û îqtîdarî ra rî bi rî yenê û wina va: “Ewro, ser siba de Şaredarîya Wanî qeyûm ame tayînkerdene, ewro zî rojan ra roja 15ê Sibate ya. Çimkî Birêz Ocalan bi komployêk ardê Tirkîya. Gelo do Birêz Ocalan beyanat bido ya zî nêdo 15ê Sibate de? Rojêka wina sembolîkî de qeyûm ame tayînkerdene. Ma Erdoganî ra persenê; ewro bi tayînkerdişê qeyûmî yê Şaredarîya Wanî şima çi wazenê? Şima wazenê bi tayînê qeyûmî pêvajo asteng bikê?”
Ma do dersî bidê zîhnîyetê qeyûmperestî ra
Bakirhan zî qiseyê xo de wina va: “Bi fermanê wezaretê karanê zereyî qeyûm îradeya şarî ra ame tayînkerdene. Edetîya ma de qebûlkerdiş çin a, şarê Wanî ke 14 şaredarî qezenc kerd, do dersêko gird bido înan û polîtîkayê qeyûmîperestî ra. Ma veng dan û persenê ke armancê şima çî yo? Şima qala problemê kurd ra çi fam kenê, şima wazenê çi bikê? Şima çareserî wazenê ya zî wazenê îradeya şarî xesp bikê? No rayîr, ti rayîr nîyo? Şima Wan de partîya tabelayî, ma demo lez de şonê Wanî. Wayîrê îradeya şarê Wanî vejîyenê. Ma no xespkerdiş û darbeyê sîyasî qebûl nêkenê. Ma do bi qerardarî têkoşîn bidê.”
