Platforma Şaxa KESKê ya Wanê li Eywana Tahîr Elçî ya Baroya Wanê bi navê “Di Roja Me ya Îro De Komûn” panelek li dar xist. Di panelê de li ser girîngiya komûnan a di pêvajoya nû de, avakirina aboriya demokratîk û derfetên komûnên di cîhana dijîtal de, niqaş hatin meşandin.
Platforma Şax a KESKê ya Wanê dê li Eywana Tahîr Elçî ya Baroya Wanê bi navê “Di Roja Me ya Îro De Komûn” panelekê li dar xist. Di panelê de pankarta “Di cîhana me ya îro de komîn” hat vekirin. Saziyên sivîl û welatî tev li panelê bûn. Nûnerên saziyên civaka sivîl, partiyên siyasî û gelek welatî tev li panelê bûn. Di panelê de mamoste û endama KESKê Olcay Kaçmaz wek moderetorek, nivîskar Mehmet Karakuş û rojnemevan Berat Çîftkuran jî wek axaftvan tev li panelê bûn.
Panel bi deqeyek rêzgirtinê dest pê kir û piştre bi axaftinên vekirinê berdewam kir.
‘Komûn hebûneke civakî ye’
Moderatora panelê Olcay Kaçmaz di axaftina xwe de bal kişand ser girîngiya komûnan di pêvajoya nû de û destnîşan kir ku jinan di dîroka pêvajoya komûnal de pêşengî kirine û wiha got: “Komûn hebûneke civakî ye. Em vê panelê li dar dixin da ku nîqaş bikin ka ‘Em çawa dikarin beşdariyê li vê pêvajoyê bikin?’ û ‘Em dikarin çî bikin?’.”
‘Sermaye nabe ku li ser komûnan biryarê bide’
Piştre nivîskar Mehmet Karakuş li ser dîroka komûnan û têkiliya di navbera jiyana komûnal û avakirina civaka demokratîk de axivî.
Karakuş diyar kir ku bi dirûşman ev pêvajo namêşe û wiha berdewam kir: “Komûn ne taktîk e, stratejî ye. Komûn bêyî îknabûnê nayê avakirin, bi sermayeyê jî nayê avakirin. Pêwîst e em rê li ber sermayeyê vekin, ne ku sermaye rê bide me. Ne rast e ku em bihêlin sermaye li ser komûn û kooperatîfan biryarê bide. Li vir konsepteke bi navê ‘aboriya demokratîk’ heye. Em behsa demokratîkbûna aboriyê û dabeşkirina edaletane ya dahateyê dikin. Em tenê behsa demokratîkbûna civakî û siyasî nakin; divê aborî jî demokratîk bibe. Komûn, bi kedê dabînkirina debarê ye.”
‘Di qada dijîtal de komûn mimkun in’
Rojnamevan Berat Çîftkuran jî bi mijara “Di cîhana dijîtal de komûn” pêşkêşiya xwe kir.
Berat Çîftkuran destnîşan kir ku bikaranîna dijîtal a demokratîk û komûnal mimkun e û wiha got: “Em li vir bersiva pirsa ‘Gelo di hawîrdora dijîtal de komûn mimkun in?’ didin. Bersiva hevpar a vê pirsê ‘erê’ ye. Tevî ku hemûyan bi temamî nemînin jî hin xebatên heyî di vê rêyê de hene.”
Panel piştî pirs û bersivan bi dawî bû.
