Li navçeya Tetwanê ya Bedlîsê Komkujiya Şengalê hate şermezarkirin û qûrbanî hatin bi bîranîn. Hevserokê DEM Partiyê yê Tetwanê Şevder Bîngol di bîranînê de axivî û got: “Heke Tevgera Azadiyê nebûya dê encam xirabtir bûya.”
Rêxistina DEM Partiyê ya navçeya Tetwanê ya Bedlîsê bi boneya 12yemîn salvegera Komkujiya Şengalê li avahiyê xwe bernameya bîranînê li dar xist. Tevî siyasetmedaran gelek welatî jî tev li bernameya bîranînê bûn.
‘Beriya her tiştî divê edalet hebe’
Bîranîn ji bo hemû cangoriyên komkujiyê bi deqeyek rêzgirtinê dest pê kir. Piştî rêzgirtînê li ser navê Dayîkên Aştiyê Gulbahar Erkilic axivî û komkujî şermezar kir û got: “Pêxember Hz. Mihemed bi zordariyê kes ne kir Misilman, lê DAÎŞê xwest ku gelê Êzidî bi darê zorê bike misilman. Gelê Êzidî ev bû cara 74an li rast komkujiyên wisa tê. Divê ji bo olan ewilê edelet hebe.”
‘Tevgera Azadiyê nebûya, wê encam xerabtir bûya’
Hevserokê DEM Partiyê yê Bedlîsê Şevder Bîngol jî axaftineke kurt kir û ev yek anî ziman: “Tevgera Azadiyê nebûya vê encama komkujiyê xerabtir bûya. Wekî her caran ev cangorî ji hewara gelê xwe ve hatin. Em hemû qurbanên vê komkujiyê bi bîr tînin.”
Piştî axaftina sînevîzyonê hat nîşandan. Bîranîn bi berzkirina dirûşman bi dawî bû.
