DFGê rojnameger Yahya Orhan, Ferhat Tepe û Çetîn Abayay ku di salên 90î de dema li ser karê xwe bûn hatin kuştin bi bîr anîn û wiha got: “Şehîdên Çapemeniya Azad rûmeta me ne, yek ji sedemên herî bihêz ên têkoşîna me ne.”
Komeleya Rojnamegeran a Dîcle Firatê (DFG) rojnameger Yahya Orhan, Ferhat Tepe û Çetîn Abayay ku di salên 90î de dema li ser karê xwe bûn hatin kuştin bi bîr anîn. DFGê li ser hesabên xwe yên medyaya dîjîtal bi daxuyaniyekê cangoriyên Çapemeniya Azad Yahya Orhan, Ferhat Tepe, Çetîn Abayay bi bîr anîn û got: “Şehidên Çapemeniya Azad rûmeta me ne.”
‘Şehîdên Çapemeniya Azad rûmeta me ne’
Daxuyaniya DFGê ya ku li ser medyaya dîjîtal parve kir, wiha ye: “Di şert û mercên herî giran ên salên 1990an de rojnamegerên bêwestan bûn ku li pey heqîqetê meşiyan û di refên pêş ên kevneşopiya Çapemeniya Azad de cih girtin. Wan mîrateya Çapemeniya Azad girtin ser milên xwe û ji bo ku rastî di tariyê de nemînin, bi biryardariyeke mezin têkoşiyan. Şehîdên Çapemeniya Azad rûmeta me ne, yek ji sedemên herî bihêz ên têkoşîna me ne.”
Nûçegihanê Rojnameya Ozgur Gundemê yê Bêdlisê Ferhat Tepe di 28ê Tîrmeha 1993yan de hate revandin û kuştin. Nûnerê Kovara Ozgur Halkê yê Êlihê Çetîn Abayay di 30ê Tîrmeha 1992yan de hate kuştin. Nûçegihanê rojnameya Ozgur Gundemê Yahya Orhan jî di 31ê Tîrmeha 1992yan de dema bufeya xwe digirt bi êrişa çekdarî jiyana xwe jiyana xwe ji dest da.
