Pêşkêşvanê Babala TVyê Oguzhan Ugur ê ku li ser platformên medya dîjîtal weşanê dike, hate binçavkirin.
Binçavkirinên di çarçoveya lêpirsîna li ser Komeleya Ahbapê de berdewam dikin. Oguzhan Ugur ê ku di serdema erdhejê de bi Komeleya Ahbapê re dixebitî li Stenbolê hate binçavkirin. Ugur ê ku hate binçavkirin birin Midûriyeta Polîsan a Stenbolê. Derbarê binçavkirina wî de hê tu daxuyaniyek fermî nehatiye dayîn lê tê diyarkirin ku ew di çarçoveya lêpirsîna li ser Ahbapê de hatiye binçavkirin.
Bavê Ogûzhan Ugur, Atîlla Ûgûr serfermandarê leşkeran bû û di salên 90î de li Qoserî fermana gelek windakirina kesan, şewitandina gundan û bûyerên îşkenceyê dabû. Atîlla Ûgûr di Doza JÎTEMê ya Qoserê de dihat darizandin.
