Heyeta DEM Partiyê ya Îmraliyê diyar kir ku derbarê pêvajoya Aştî û Civaka Demokratîk de bi heyeta AKPê û Serokê Giştî yê MHPê Devlet Bahçelî re hevdîtin kirine û piştî van hevdîtinan armanca wan ew e ku di demek nêz de biçin Girava Îmraliyê û bi Rêberê Gelê Kurd Abdullah Ocalan re hevdîtinê bike.
Heyeta DEM Partiyê ya Îmraliyê ku ji parlamenter Pervîn Buldan, Mithat Sancar û parêzer Faîk Ozgur Erol pêktê tekildarî hevdîtina bi AKPê û Serokê Giştî yê MHPê Devlet Bahçelî daxuyaniyeke niviskî da.
Daxuyanî bi vî rengî ye:
“Heyeta me di 15ê Tîrmehê de bi heyeta Ak Partiyê û di 16ê Tîrmehê de bi Serokê Giştî yê MHPê Devlet Bahçelî re derbarê pêvajoya Aştî û Civaka Demokratîk hevdîtin pêk anî. Em di hevdîtinê de li ser rewşa pêvajoyê axivîn û gotûbêj kir. Me anî ziman ku divê qanûna çarçoveyî demildest bikeve meriyetê û ji bo ew qanûn ji bendewariyên civakê re bibe bersiv danûstandin bên kirin. Danûstandinên me yên vê derbarê de dê berdewam bikin.
Piştî van hevdîtinan armanca me ew e ku demildest biçin Girava Îmraliyê û bi Rêberê Gelê Kurd Abdullah Ocalan re hevdîtinê bikin.”
