Paytextê Îtalya Roma de serê prosesê Aştî û Komelê Demokratîkî de kombîyayîşê şarî virazîya. Kombîyayîş de Îdrîs Balûkenî qisey kerd û dîyar kerd ke nê prosesî de yewbîyayîşê şarê kurdî zaf muhîm o.
Paytextê Îtalya Roma de serê prosesê Aştî û Komelê Demokratîkî de kombîyayîşê şarî virazîya. Kombîyayîş de parlamentero verên ê HDP’yî û endamê Heyetê Îmrali Îdrîs Balûkenî proseso ke bi vengê Rayberê Şarê Kurdî Abdullah Ocalanî yê 27ê sibate dest pêkerdo, erjna.
Îdrîs Balûkenî dîyar kerd ke hewceyîya kurdan û tirkan bi aştî est a û vat ke nê wextê ke Rojhelato Mîyanên reyna dîzayn beno de yewbîyayîşê şarê Kurdî do zaf muhîm bo û wina vat: “Rayber Apo bi israr wazeno konferansêko neteweyî bêro viraştene, pawitişêko hempar, vateyêko hempar û dîplomasîyêka hempare bêro awan kerdene. Çira nê wazeno? Çike hayîya ey bi rîskanê ke eşkenê bivejîyê est a. Ganî Kurdî çar parçeyan de vejîyê payan ser. Çike her parçe wayîrê meseleyanê xoseran o. Eke ma bibê yew ma eşkenê nê meseleyanê xo çareser bikerê. Wina nêbo ma do pêro vîndî bikerê.”
Peynî qiseykerdişan de kombîyayîş bi slogananê ‘Bijî Serok Apo’ û ‘Jin Jiyan Azadî’ qedîya.
