Waliyê Hesekê Nûredîn Ehmed û Waliyê Reqayê Ebdurehman Selama civiyan û dosyaya vegera koçberên Reqayê nîqaş kirin.
Waliyê Hesekê Nûredîn Ehmed û şandeya pê re ku fermandarê Hêzên Ewlekariya Hundirîn ê parêzgeha Hesekê Merwan El Elî û cîgirê wî Mehmûd Xelîl pêk tê, li Reqayê bi Waliyê Reqayê re civiyan. Şande bi Waliyê Reqayê Ebdurehman Selama û hejmarek rûspiyên Reqayê re civiyan.
Li gor agahiyên ku nûçegihanê ANHAyê ragihandine, serdana bi armanca nîqaşkirina rewşa giştî ya Kurdên li Reqayê, rêbazên xurtkirina ewlehiya herêmê, peydakirina mercên guncav ji bo vegera zêdetirî 2 hezar malbatên Kurd ên koçber ên ji Reqayê li warê xwe hatiye kirin.
Li gorî agahiyan, dê ji bo şopandina dosyaya vegera koçberan komîteyek were avakirin.
Hêjaye bibîrxistinê ye ku di encama êrîşên destpêka îsal ên li ser herêmê de hejmarek zêde ya malbatên ji Reqayê koçî Cizîrê û Kobanê kirin.
