Hevseroka Giştî ya DEM Partiyê Tulay Hatîmogullari di meşa “Gavek ji bo Aştiyê” ya Amedê de axivî û diyar kir ku divê hemû tiştên ku pêvajoyê dixetîminin ji holê bên rakirin û got: “Divê bêyî ku Meclîs bikeve betlaneyê bilezgînî qanûn bên çêkirin û statuya aktorê sereke yê pêvajoyê Birêz Abdullah Ocalan bê diyarkirin û şert û mercên wî bên başkirin.”
Partiya Wekhevî û Demokrasiyê ya Gelan (DEM Partî), ji bo daxwazên xwe yên di çarçoveya Pêvajoya Aştî û Civaka Demokratîk de, bi dirûşmeya“Gavek ji bo Aştiyê” meşek li dar xist. Meşa ku li Navçeya Rêzanê ya Amedê li ber Girtîgeha Hejmar 5an dest pê kir Hevseroka Giştî ya DEM Partiyê Tulay Hatîmogullari, Hevserokên Giştî yên Partiya Herêmên Demokratîk (DBP) Çîgdem Kiliçgun Uçar û Keskin Bayindir, Hevberdevka Înîsiyatîfa Yekîtiya Demokratîk Gulcan Kaçmaz Sayyîgît, Hevberdevka Kongreya Demokratîk a Gelan (HDK) Meral Daniş Beştaş û her wiha bi hezaran kes tevlî bûn.
Di meşa ku alayên wêneyên Rêberê Gelê Kurd Abdullah Ocalan li ser bûn hatin hildan de, pankartên “Serok kaniya jiyanê statu herikîna pêvajoyê ye”, “Niha dema hevdîtina bi Rêbertiya azad re ye” û “Hema niha azadî hema niha aştî” hatin vekirin. Di meşê de pir caran dirûşmeyên “Bijî Serok Apo”, “Bê Serok jiyan nabe”, “Ciwan fedaiyên Rêber Apo ne”, “Jin, jiyan, azadî” û “Bijî aştî” hatin berzkirin. Her wiha di tevahiya meşê de stranên ku ji bo Rêberê Gelê Kurd Abdullah Ocalan hatine nivîsandin, hat strandin. Girseya ku bi meş hat li ber AZC Plazayê daxuyanî da.
‘Bi polîtîkayên berê encam nayê girtin’
Hevserokê DBPê yê Amedê Ahmet Dogan bi bîr xist ku li gelek bajaran meşa azadiyê tê lidarxistin û wiha got: “İro ji bo azadiya Rêber Apo em dimeşin. Me bi awayekî demokratik meş li dar xist. Lê hêj jî tahamulê wêneyê Serok Apo nakin. Lazim e ji vî gelî re tahamul gebe. Nihal i Rojhilata Navîn krîzek heye encax Rêberê Gelê Kurd dikare bibe çareserî. Bi polîtîkayên berê encam nayê girtin.”
Hevseroka Giştî ya DEM Partiyê Tulay Hatîmogullari gelê Amedê ku tevlî meşê bûn silav kir û wiha got: “DEM Partî û dostên wan ji bo aştiyê kom bûne hezar caran silav ji wan kesên ku niha dimeşin.”
‘Divê kes pêvajoyê nexitimîne’
Tulay Hatîmogulları banga Rêberê Gelê Kurd Abdullah Ocalan û gavên ku Tevgera Azadiyê avêtin bi bîr xist û got: “Gelê Kurd di têkoşîna xwe ya nasname azadî û demokraasiyê de got em jî hene. Bi aweyekî bihêz li çar aliyê Kurdistanê û Tirkiyeyê, Suriye, İraq û îran xwe bi rêxistin kirin. Em ji vir ji bo hemû aliyan wiha bang dikin divê kes pêvajoyê nexetimîne kesên ku şer dixwazin lobiyan şer û hin aliyên siyasî ne. Em bi gele Amedê re dibêjin ji bo aştiyê gavekê biavêjin. Ji bo ku pêvajoya ku xetîmî ya her cure diyalogê dimeşînin. Divê gavek ji bo aştiyê bê avêtin. Hemû tiştên ku pêvajoyê dixetîminin divê ji holê rakin. Ji ber vê yekê divê ji bo vê pêvajoyê gavên hiqûqî bên avêtin û demildest qanûn bên çêkirin. Divê bêyî ku Meclîs bikeve betlaneyê divê bilezgînî qanûn bên çêkirin. Divê statuya aktorê sereke yê pêvajoyê Birêz Abdullah Ocalan bê diyarkirin û şert û mercên wî bên başkirin.”
‘Rojhilata Navîn xelekeke ji agir e’
Tulay Hatîmogullari diyar kir ku ji bo qeyûman divê gavek bê avêtin û wiha pê de çû: “Gelên me yê n hêja erdnîgariya Mezopotamyayê ji bo gel bi hev re bijîn erdnîgariyeke musaît e. Ev der dergûşa şaristaniyê ye. Îro Rojhilata Navîn xelekeke ji agir e, di demeke ku geşedanên navnetewî diqewimin divê em bi bîr bixin ku aştî ji bo Tirkiyeyê çiqas girng e. Pêdiviya Enqere, Stenbol û Îzmîrê bi aştiyê heye. Budçeya ku ji şer re tê veqetandin dê bi aştiyê ji karker û kedkaran re bê veqetandin. Em ê bi hev re biqîrin. Ji bo aştiyê gavan biavêjin.”
Meş bi çepik, tilîlî û dirûşmeyan bi dawî bû.
