Bi serekîya Serekkomarê Tirkîya Recep Tayyîp Erdoganî kombîyayîşê kabîneyî dest pêkerd. Yeno vatene ke kombîyayîşî de do “Prosesê Aştî û Komelê Demokratîkî” û xebatê ke do na çarçewa de bêrê kerdene, bêrê qiseykerdene.
Bi serekîya Serekkomarê Tirkîya Recep Tayyîp Erdoganî û bi tewrbîyayîşê wezîran, Qesra Serekkomarîye de kombîyayîşê kabîneyî dest pêkerd. Yeno pawitene ke kombîyayîşî de prosesê Aştî û Komelê Demokratîkî, hêrişê Îsraîl û Amerîka yê vera Îranî, hedîseyî ke herême de qewimîyenê û tetîlê Roşanê Qurbanî bêrê munaqeşakerdene.
Muqtayanê muhîman ê kombîyayîşî ra yew zî prosesê Aştî û Komelê Demokratîkî yo. Yeno pawitene ke kombîyayîşî de averşîyayîşê prosesî û xebatê ke na çarçewa de yenê kerdene, bêrê munaqeşakerdene. Dimayê pêvînayîşê Erdoganî yê Serekê Pêroyî yê MHP’yî Devlet Bahçelî reyde, hêvî yena kerdene ke prosesî de tayê averşîyayîşê bînî virazîyê. Yeno qiseykerdene ke do aşma Gulane de averşîyayîşê muhîmî biqewimşyê û na çarçewa de do qanûnî bêrê amadekerdene.
