11emîn Mihrîcana Şanoyê ya Navneteweyî ya Amedê bi dirûşma “Ji bo aştiyê diyalog” tê lidarxistin, di roja 8emîn de ji bo zarokên Amedê bû cihê kêfxweşî û dilgermiyê.
11emîn Mihrîcana Şanoyê ya Navneteweyî ya Amedê bi dirûşma “Ji bo aştiyê diyalog” tê lidarxistin, di roja 8emîn de berdewam kir. Di bernameya roja 8emîn de li salona semînerê ya ÇandAmedê semînera bi sernavê “Gefeke nêz; Derxistina malbatên li rojhilatê Qudsê û derfetek ji bilindkirina dengê berxwedan” hat lidarxistin û li ser vê yekê nîqaş hatin kirin.
Piştî semînerê li Parka Koşuyolu ya navçeya Rezanê gel û lîstikvanên ku ji derveyî welat hatibûn bi minasebeta roja dansê ya cîhanê bi hev re govend gerandin û dîmenên xweşik derketin holê. Dûre lîstika derhênerî û lîstikvaniya wê Sîmone Romano kiriye ya bi navê “Hop Hop” derket pêşberî temaşevanan. Beşdar û zarokan dema lîstik dihate lîstin carnan keniyan carnan jî keyfxweşiya bi lêdana çepikan nîşandan.
Piştî lîstika Parka Koşuyoluyê, li Salona Sînemayê ya ÇandAmedê lîstika bi navê “War Diaries (Rojnivîskên Şer)” ku ji hêla Tak Theater ve hatibû amadekirin, hat lîstin. Berhema ku ji aliyê Nadia Migdal û Uri Fahndrich ve hatiye amadekirin derket ser dikê, çîroka mirovên ku di nava şer de bi trawmayên xwe yên kesane re rûbirû dimînin, bi durustiyeke bandorker ragihand. Lîstika ku behsa têkoşîna “mirovmanê” ya di nava karesateke kolektîf de dike, bi giranîdana li ser rewşa mirovahî ya hevpar û bi şahidiya xwe ya bihêz, di bîra temaşevanan de şopeke kûr hişt.
Mihrîcan dê sibê di navbera 15:30 / 20:30an de bi sê lîstikên bi navê “”The Letter” , “Cantica Antigoane” û “The Secret Of The Sculpture” berdewam bike.
