Pirtûka rojnameger Azîz Orûç a bi navê “Di Nav Sînoran de Rojnamegerek” (Sinirlar Arasinda Bîr Gazetecî) ji Weşanên Luviyê derçû.
Pirtûka rojnameger Azîz Orûç a bi navê “Di Nav Sînoran de Rojnamegerek” (Sinirlar Arasinda Bîr Gazetecî) ji Weşanên Luviyê derçû. Rêveberê Komeleya Rojnamegerên Dîcle Firatê (DFG) û edîtorê Rojnameya Yenî Yaşamê Azîz Oruç di pirtûka xwe de serpêhatiyên xwe bi şêwaza çîrokê aniye ziman. Pirtûk ji berhevkirina çîrokên ku di rastiyê de qewimîne pêk tê. Azîz Orûç di pirtûka xwe de cih daye wan çîrokên ku ji Tirkiyeyê dest pê dikin û piştî Sûriye, Iraq û Îranê dîsa li Tirkiyeyê di girtîgehekê de bi dawî dibin.
Di pirtûkê de Azîz Orûç destnîşan kir ku ev pirtûk, ne tenê çîroka rojnamevanekî ye; di heman demê de şahidiya serdemekê ye ku di navbera sînoran, têlên bistrî û girtîgehan de derbas dibe. Azîz Orûç, di berhema xwe de behsa rêwîtiya xwe ya bi rîsk, zor û zehmetiyên li ser sînoran û hevdîtinên bi mirovên cûr bi cûr re dike. Her çîrokek, parçeyekî rastiya jiyana wî û şahidiya wî ya pîşeyî ye ku li ser axa Rojhilata Navîn hatiye hûnandin.
