Newroza Dêrikê ya bi dirûşma “Azadî û Yekitiya Demokratîk” tê lidarxistin, bi girseyî û coşeke mezin hat pîrozkirin.
Pîrozbahiyên Newrozê ya navçeya Dêrika Mêrdînê a bi dirûşma “Azadî û Yekitiya Demokratîk” tê li darxistin bi coşeke mezin, dirûşm û govendan hat pîrozkirin. Welatiyên ji serê sibê li qadê kombûne, qad bi cil û bergên xwe yên rengîn, dirûşm û gevendan xemilandin.
Dirûşmên ‘Kurdistan yek e’ olan dan
Welatî bi stranan re govend gerandin û dirûşmên “Bijî Serok Apo” û “Yek e, yek e, yek e, Kurdistan yek e!” berz kirin. Li qadê, tevî hemû hewldanên astengkirinê, posterê Rêberê Gelê Kurd Abdullah Ocalan jî hate daliqandin. Li qada pîrozbahiya Cejna Newrozê, welatiyan bi coşeke mezin û rengîn Newroz li hev pîroz kirin bê navber govend gerandin.
Ji bo bîranîna kesên ku di têkoşîna azadî û demokrasiyê de jiyana xwe ji dest dane, deqeyekê rêz hate girtin û dirûşmeya “Şehîd namirin” hate berzkirin. Di bernameyê de Salih Muslim jî hate bîranîn. Piştî rêzgirtinê, hevserokên Navçeya Dêrikê ya DEM Partiyê, Şîlan Çelîk û Ferhat Ozgen gel silav kirin û Cejna Newrozê pîroz kirin. Welatiyan piştre bi stranên ku hunermend Şeyhmus Temel û Dîren Temel govend gerandin.
Piştre Parlamentera DEM Partiyê ya Mêrdînê Berîtan Guneş Altin mafê axaftinê girt û got ku Kurd bi rojan e li seranserê Tirkiye û Kurdistanê agirê Cejna Newrozê pêdixin û kesên ku di Cejna Newrozê de jiyana xwe ji dest dane bi bîr tînin. Piştî axaftinan, agirê Newrozê hate pêxistin. Welatî bi coş û kelecaneke mezin li dora agir kom bûn û bi dirûşma “Bijî Serok Apo” li dor agir govend gerandin û dirûşm berz kirin. Dema ku agir vêxistin, coşa girseyê zêde bû û bi hezaran kesan bi hev re sirûda “Çerxa Şoreşê” gotin.
Pîrozbahiya Newrozê bi stranan bi dawî bû.
