Li Amed, Stenbolê û Îzmîrê bi îdiaya di pîrozbahiyên Newrozê de “propagandaya rêxistinê kirine” gelek kes di serdegirtina malan de hatin binçavkirin.
Li Amedê polîsan avêt ser gelek malan. Di serdegirtina malan de bi îdiaya “propagandaya rêxistinê kirine” 6 kes hatin binçavkirin. Hat zanîn ku ji kesên hatine binçavkirin yek jê jina bi navê D.O. ye û navê her 5 kesên din nehat zanîn. Hat diyarkirin ku kesên hatine binçavkirin birine Midûriyeta Polîsan a Amedê.
STENBOL
Li Stenbolê jî bi îdiaya di pîrozbahiyên Newrozê de “propagandaya rêxistinê kirine” bi awayekî hevwext bi ser gelek malan de hat girtin. Di serdegirtina malan de gelek welatî hatin binçavkirin. Binçavkiriyan birin Midûriyeta Polîsan a Stenbolê.
ÎZMÎR
Li Îzmîrê jî di saetên sibehê de polîsan avêt ser gelek malan. Di serdegirtina malan de herî kêm 15 kes bi îdiaya ku di pîrozbahiyên Newrozê de “propagandaya rêxistinê” kirine, hatin binçavkirin. Kesên ku navên wan hê nehatine diyarkirin, birin Midûriyeta Polîsan a Îzmîrê. Navê binçavkiriyan ev in: Hogir Kaya, Mizgîn Duyas, Agît Guler, Hamitcan Toktaşi Rohat Karataş, Huseyîn Karataş, Tayfun Uşar, Bedriye Dogan, Mehmet Ekîncî, Nurcan Ekîncî, Rozerîn Ekîncî, Firat Demîr, Şener Alkiş, Rojîn Duman, Yakup Bulut.
