Sûrîyede elewî bêçare keyeyanê xo ra wêneyê Camîyê Emevîyî elaqnenê

Serkêşê Rayîrî yê Ocaxê Kizildelî Mustafa Sazci reaksîyon nîşanê qirkerdişê elewîyan da û wina va: “Ganî Sûrîye de seba vindertişê qirkerdişê elewîyan çalakî bêrê kerdiş û bêçare manenê keyeyanê xo ra wêneyê Camîyê Emevîyî elaqnenê.”

Sûrîye de se ra 13ê nûfûsî elewî yê, elewîyan xususî qeraxê behrî yê welatî de ciwîyenê. Peynîya çinbîyayişê rejîmê BAAS’î endamanê HTŞ’î hêrişê elewîyan kerd. Turbeyê Huseyîn Bîn Hamdan El Hasîbî rijnayê û elewîyan verba ci de zî çalakî kerd la endamanê HTŞ’î çalakîyan ra bi guleyan hêriş kerd.

Çalakî binî ra ganî dest pêbikê

Serkêşê Rayîrî yê Ocaxê Kizildelî Mustafa Sazci PÎRHA’yî ra qisey kerd. Mustafa Sazciyî aşkera kerd ke ganî sazî û dezgeyanê Elewî Bektaşî verba qirkerdişê elewîyan bêveng nêmanê û wina va: “Elewîyê Bektaşî, Meclîsê Tirkîya de partîyê sîyasî ra pêvînayîş kerd, demo nêz de hewna rayberê elewîye ameyê qetilkerdiş. Çalakî eke binî ra dest pênêkê serkewtî nêbenê. Ma yew hetî ra venga sazîyanê mîyanêteweyî bidê yew hetî ra zî çalakîyanê bêîtaatîye yê sivîlî bikerê.”