Medyayê pêvajoya hilbijartina serokatiyê ya Iraqê, analîzên li ser senaryoyên pevçûna bi Îranê re û rewşa jinan ya di bin desthilatdariya Talîbanê de şopand.
Sazî û dezgehên medyayê yên Erebî îro li ser hilbijartinên serokatiyê yên Iraqê, îhtîmala mudaxileya Amerikayê ya li dijî Îranê, hişyariyên Neteweyên Yekbûyî (NY) yên têkildarî rageşiyê û rewşa xirab a jinên li Efganistanê sekinîn.
Li Iraqê bendewariya hilbijartina Serokwezîr û Serokkomar
Rojnameya El Nahar diyar kir ku li Iraqê di navbera blokên parlamentoyê û hêzan de nîqaşên dijwar tên kirin. Rojname da zanîn ku pirsgirêka hilbijartina serokkomariyê dê di hefteya pêş de çareser were çareserkirin. Herwiha ji bo bidawîkirina valahiya bang li saziyên federal hat kirin.
Rojnameyê destnîşan kir ku bi hewildanên hêzên sereke yên di nav parlamentoya Iraqê de, lihevhatina Partiya Demokrat a Kurdistanê (PDK) û Yekitiya Nîştimanî ya Kurdistanê (YNK) tê payîn ku dê namzeteke lihevkirî li gor destûrê bê destnîşankirin.
‘Îran senaryoyên şerekî dike
Rojnameya El Şerq El Ewset derbarê pevçûneke leşkerî ya bi Îranê re çend senaryo pêş xistin. Li gorî senaryoyekê piştî êrişeke pêkan ya li dijî Îranê dê sazî û dezgeyên rêveberiyê hilweşe û di wan şert û mercan de hêzên opozîsyonê dê derkevin pêş û serdemeke avakirina hikûmeta veguhêz derkeve holê. Senaryoyeke din behsa derketina şerekî dirêj û biha dike ku dê hemû aliyan biwestîne û pêdivî bi tevlîbûneke leşkerî ya berfireh heye ku dikare bi salan bidome. Rojname di encamê de got ku pirbûna senaryoyan tevliheviya rewşa herêmî û navneteweyî nîşan dide. Li gor rojnameyê her biryareke leşkerî bi hesabên piştî êrişê ve girêdayî ye. Ev jî nediyariya siberojê ya li heremê rave dike.
Li Afganistanê jin heye lê mafê wê tune
Rojnameya El Ereb ragihand ku NY li ser fermanek nû ya ji hêla Talîbanê ve hatiye derxistin, fikarên xwe anî ziman û diyar kir ferman jinan dixe xetereyên tundiyê yên mezintir û got ku desthilata Talîban hemu derfetên xwe ji bo edaletê ji holê rake seferber dike.
Rêxistinên mafên mirovan vê yekê wek xurtkirina aliyên tarî yên qanûnî dibînin ku ev yek jî dê rewşa jinan hêj bêtir xirabtir bike.
