Meclîsa Jinan a DEM Partiyê li Stenbolê komxebata budçeyê li dar xist. Di komxebatê de mijarên hevdîtina budçeya ku dê li meclîsê were lidarxistin, xizanî, ragihandina xizmetên civakî, têkoşîna li dijî tundiyê û aştî hatin destgirtin.
Meclîsa Jinan a DEM Partiyê li Stenbolê bi şîara “Em budçeya wekhevî, azadî û aştiyê dixwazin” komxebata budçeyê li dar xist. Berdevka Meclîsa Jinan a DEM Partiyê Halîde Turkoglû û parlamenter Adalet Kaya û Ozgul Sakî, endamên meclîsê, endam û nûnerên siyasiyên civakî, akademîsyen û rêxistinên femînîst tev li komxebatê bûn. Di komxebatê de mijarên hevdîtina budçeya ku dê li meclîsê were lidarxistin, xîzanî, ragihandina xizmetên civakî, têkoşîna li dijî tundiyê û aştî hatin destgirtin.
Komxebat bi pêşkêşiyê dest pê kir. Di rûniştina yekem de mijarên “Keda jinê, xizanî û lênêrîna raya giştî” hatin destgirtin. Moderatoriya rûniştina yekem Halîde Turkoglû kir. Di rûniştinê de “xebatên bêewlehî, ewlehiya civakî, keda bêpere, xizaniya jinan û pêdiviyên bingehîn” hatin nîqaşkirin.
Di rûniştina duyemîn de mijarên “hemwelatîbûna wekhev, hevbirîn û xwe gihandina xizmetên giştî” hatin destgirtin. Moderatoriya rûniştinê Adalet Kaya kir. Di rûniştinê de derbarê “nasnameya nijadî, zimanê zikmakî, newekheviyên olî, mafê jiyana serbixwe ya astengdaran, xwe gihandina xizmetên civakî yên LGBTÎ+ û koçberan” de niqaş hatkirin.
Di rûniştina sêyemîn de mijarên “polîtîkayên laş û tundiyê” hatin destgirtin. Di rûniştinê de derbarê “tenduristiya zayendî, tenduristiya zêdebûnê, tundiya li dijî jinan, li dijî fobiya LGBTÎ+, stargehên jinan, navendên şêwirmendiyê, tundiya dîjîtal û xwe gihandina edaletê” de niqaş hatkirin. Ozgul Sakî di rûniştinê de pêşkêşiyekê kir.
Rûniştina çaremîn bi sernavê “Budçeya Aştiyê” pêk hat. Moderatoriya rûniştinê endama Koordînasyona Meclîsê Fatma Koçyîgît kir. Di rûniştinê de derbarê “tercîhên budçeyê yên ku bi sedema ewlehiyê, venêrîna demokratîk, newekheviyên herêmî di pêvajoya aştiyê de û sererastkirina civakî” de niqaş hat kirin.
Komxebat bi nirxandina xalên hatin niqaşkirin, yekkirina daxwazên zêdekirina budçeyê û amadekirina encamnameyê dawî bû.
