Cuma Çat ke demê Derbeya Leşkerî ya 12ê Êlule Zindanê Amedî de ameyêne girewtene, şi heqîya xo. Lajê ey Kadîr Çat vat ke bê ke dewlete ozrê xo biwaza, ê xoverdayoxî yew bi yew cuya xo vîndî kenê.
Cuma Çat ke Xoverdayîşê Hîlwanî yê serranê 1978-79î de ca girewtbi û Derbeya Leşkerî ya 12ê Êlula 1980î de ame girewtene, Zindanê Hûmara 5. yê Amedî de îşkenceyanê giranan reyde rî bi rî mend. Cuma Çat 83 serrîya xo de Nêweşxaneyê Şariştanî yê Mersînê ke tede ameyêne tedawîkerdene, riyê krîzê qelbî ra cuya xo vîndî kerde.
Cenazeya Cuma Çatî do Goristanê Karaduvar ê Mersînî de bêro wedarnayene û tezîyeya ey do Taxa Çay a Mersînî de bêra ronayene.
Hunermendê Merkezê Kulturî Mezopotamyayî (NÇM) Kadîr Çat derheqê wefatê pîyê xo de hesabê xo yê medyaya sanale ser o dîyar kerd ke pîyê ey Cuma Çat ke Zindanê Amedî de îşkenceyanê giranan reyde rî bi rî mendo, cuya xo vîndî kerda.
