Hêrişanê Îsraîlî yê vera Xeza de 7ê ci gede bi pêroyê tewr kêm 19 kesî ameyê kiştene.
Wezaretê Weşîye yê Xezayî eşkera kerd ke mîyanê 24 saetanê peyênan de 44ê ci bi şewe tewr kêm 75 filîstînîjî Xeza de hêrişanê Îsraîlî de ameyê kiştene.
Dîrektorê Tora Sazgehanê Komelê Sivîlî yê Fîlistînî yê Xeza Amjad Shawa, Al Jazeera Arabic rê qisey kerd û vat ke hêriş qonaxê tewr tehluke de yê û vat: “MA tersenê ke komelê mîyanneteweyî banderê dîmenanê gedeyanê ke Şerîdê Xeza de yenê kiştene bibê û nê kiştişî tena ey reqem bimanê.”
Goreyê xebera Wafa’yî; Îsraîlî şaristanokê Harîsî yê nêzdîyê şaristanê Salfîtî Şerîaya Rojava de eşto keyeyan ser o û sereştişî de serekê meclîsê dewe û xeylê rayberî girewtê.
Xeza de 7ê ci gede 19 kesî ameyê kiştene
Goreyê daneyanê wezaretî; hêrişanê Îsraîlî de kesanê ke ameyê kiştene, tewr kêm se ra 30ê ci yê înan gede yê û teşrîna verêne ya 2023î ra heta nika her roje tewr kêm 28 gedeyî ameyê kiştene.
Destpêkê şerî ra heta nika seranserê Xeza de tewr kêm 64 hezar û 231 kesî ameyê kiştene û 161 hezar û 583 kesî zî birîndar bîyê.
