Cizîr de welatîyê bi nameyê Burhan Gasir bi îdiaya ke maneno endamêkê PKK’yî ame girewtene.
Şaristanê Şirnexî de mehkema rêbazêko sosret weçîna û welatîyo ke vat “maneno endamêkê PKK’yî” da girewtiş.
Taxa Banêxanê ya qezaya Cizîrî ya Şirnexî de roja 16ê hezîrane serê sibayî polîsan eşt keyeyê Burhan Gasirî (41) ser o û ey destbend kerd. Burhan Gasir ke 3 rojî destbendkerede mend, dimayê îfadeyê Mudirîyetê Polîsan ê Şirnexî sewqê dozgerîye ame kerdene. Gozgerî bi manayê ke Burhan Gasir maneno ‘endamêkê PKK’yî’ bi waştişê girewtişê sewqê mehkema kerd. Mehkemaya Cezayan a Sulhî ya Şirnexî zî 19ê hezîrane de bi eyn îdia derheqê Gasir de qerarê girewtişî da.
Burhan Gasirî dima ra berd Hepisxaneyê Tîpê T’yî yê Şirnexî û ame zanayene ke qerarê nimitişî dosya ser o est o.
Ame dîyarkerdene ke Burhan Gasir pîyê 6 gedeyan o û 21 serrî yo sey şofor şono Başûrê Kurdîstanî.
