Welatîyo bi nameyê Mahîr Can Ada ke Cizîr de bi îşkence amebi destbendkerdiş, bi manayê “vera polîsan vinderto” ame girewtiş.
Qezaya Cizîrî ya Şirnexî de roja 12ê temmuze de welatîyo bi nameyê Mahîr Can Ada, nuqtaya gêrayîşî ya dekewtişê Cizîrî de bi manayê “do tewrê rêxistine bibo” amebi destbendkerdiş. Ame zanayene ke wextê destbenkerdişî de polîsan bi kiştişî Mahîr Can Ada tehdît kerdo û polîsan ey rê îşkence kerdo.
Dimayê îfadeyê Mudirîya Polîsan a Şirnexî û dozgerî, Mahîr Can Ada bi hincetê “vera karmendan vinderto ke wezîfe ser o yê” sewqê mehkema ame kerdeiş. Mehkemaya Cezayan ê Sulhî ya Şirnexî derheqê Mahîr Can Ada de qerarê girewtişî da.
Dimayê qerarê girewtişî, Mahîr Can Ada seba Hepisxanaeyê Tîpê T’yî yê Şirnexî ame erşawitiş.
