Wayîrê Babala TV’yî Oguzhan Ugur zî tede 9 kesî çarçewaya cipersayîşê Komeleya Ahbapî de ameyî girewtiş.
Serdozgerîya Komarî ya Stenbolî derheqê Komeleya Ahbapî de cipersayîşêk dabi destpêkerdiş. Wayîrê Babala TV’yî Oguzhan Ugur zî tede zaf kesî çarçewaya nê cipersayîşî de ameybî destbendkerdiş. Oguzhan Ugur zî tede 10 kesî dimayê îfadeyanê Mudirîyetê Polîsan ê Stenbolî sewqê Edlîyeya Çaglayanî ya Stenbolî ameyî kerdiş.
Oguzhan Ugur zî tede 9 kesî bi sucdarîya “seba xizmetî xirabşuxulnayîşê wezîfeyî” û “xebitnayîşê pereyanê neyasayîyan” sewqê mehkemaya cezayanê sulhî ameyî kerdiş.
Mehkema îfadeyî girewtê û derheqê Oguzhan Ugur, Ersîn Gokgun, Muharrem Karataş, Gulgun Ozgurk, Emre Kartaloglu, Huseyîn Kuçuk, Suzan Duşkuner Mîntaş, Fatîh Eke û Emîr Taşarî de qerarê girewtişî da.
