Hesabê Înstagramî yê ajansê ma hetê rayberîya platformî ra bêyî ke sebebêk bimojnê, ame girewtiş.
Ajansê ma ke rojevê Kurdîstan û dinya bi weşangerîyêka xosere û bi Kurdkî resneno wendoxanê xo, medyaya dîjîtale ser o astengîyan reyde rî bi rî yo. Dimayê astengkerdişê hesabê ma yê X’î nika zî hesabê ma yê Înstagramî zî bêyî ke hişyarîyêka hetê rayberîya platformî ra ame girewtiş.
Heta nika derheqê sebebê girewtişê hesabî de hetê rayberîya Înstagramî ra tu agahîyêk nêameya dayîş. Erjeno merdim vajo ke 1ê temmuze de keyepelê ajansê ma yê bi nameyê www.ajansawelat.com hesabê ajansê ma û rojnameyê Azadîya Welatî û xeylê hesabanê çapemenî yê X’î ameybî astengkerdiş.
Demanê peyênan de zêdebîyayîşê astengkerdiş û girewtişê hesabanê sazgehanê çapemenîya kurdkî platformanê dîjîtal ser o bale anceno. Ajansê ma nika bi keyepelê malpera www.ajansawelat1.com weşanê xo domneno.
