Seba 1ê Gucige Roja Piştîdayena Rojava ewro Kurdîstan, Tirkîye û xeylî welatanê dinya de rayîrsîyayiş, çalakî û mitîngî yenê viraştene. Amed, Riha, Mêrdîn, Wan, Cizîrê, Dêrsim, Stenbolê bi se hezaran kes seba piştîdayena Rojavayî yê Dinya bi ruhê yewbiyayene rayîrşîyayîşan virazenê.
Ewro Roja wayîrvejîyayîşê Rojavayî yê Dinya ya. Bi minasebeta roje ewro xêylî şaristan û qezayê çar parçeyanê Kurdistanî, Tirkiye û dinya de bi milyonan Kurd û dostê kurdan vejîyayî qadan û reydebîn piştgirîya berxwedana Rojavayî kenê.
25ê Çileyê de her çar parçeyanê Kurdîstanî de zêdeyê 30 temsîlkaranê partî û sazîyan bi rojdemê Rojavayî Bruksel de kombîyayîş kerdbî. Kombîyayîş de 1ê Sibate zê Roja Rojavayîra wayîrvejîyayişî yê Dinya amebî îlankerdene. Bi minasebeta roje ewro sere de şaristan û qezayê Kurdîstanî, Tirkîya û xêylî welatanê dinya de rayîrşîyayîş û mitîngan dest kerd ci.
Heme qadan de binê sernameyê “Bi ruhê yewîya neteweyî yê demokratîk, ma 1’ê sibate Roja Rojava yê Dinya selam kenê.” ame vendene. Bê Partîyanê sîyasîyan, heme sazîyê sivîlî û Komelî daxil bî. Eşkerayîye wina ya:
“Ewro, ma ne tena roja ke qedera cografyayêke vurnayena; ma proseso ke tede yê “Rayîrê Hîrêyîn’a bi îradeyê xorayberîya demokratîk ê şaran di tarîtîya Rojhêlato Mîyanên de zergûn bîya û seba heme dinya bîya hêvî selam kenê.
Verva netew-dewlete yê modernîta kapîtalîst, Rojava de fikrê Rayber Abdullah Ocalanî felsefeyê modernîta demokratîk ke bi serrano game bi game yeno munitene şênber bîyo û bîyo cewab û alternatîfê tewr bi hêz ê verva hişmendîyê îşxalîye.. îradeyo ke Rojava de vejiyayo meydan; verva yewperestî zafrenginî, verva tedayan zî peymana komelî yê newe ê ke cuya azade û têduştî esas gêno, temsîl kena.
Seke Rayberê Şarî Kurdî Abdullah Ocalanî zî ardo ziwan: “Rojava ne tena yê şarê ke ya; manîfestoyê azadî yê şaran, bawerîyan û taybetî zî yê cinîyan a. Tovê ke 19ê temmuze 2012î de ame ramitene, ewro bi ruhê paştîdayena unîversal yê 1ê sibate ra bîyo yew û naye zî daye mojnayene ke verva sîstemê iktidaro merkezî, alternatîfêko demokratîk mumkun o.
Şorişê Rojava bi pêşengîya cinî aver şîyo, ne tena îfadeyê estbîyayîşê şarê ke yo yeno waştene ke Rojava bê statû biman o; eynî wextî de prosesê roşnbîyayîşî yê ke teminatê xo hêzê cewherî ra gêno û tede paradigmayê azadîya cinî komelî bîya. Nê çîyêke Rojava de şênber bîyê, verva perçekerdişîyê, muhîmî û lazimatîya yewîya netewî yê demokratîk zî bi hawayêko tewr zelal dano mojneyene.
La ewro, dewlet-netewî bi plananê qilêrin û îttîfakanê tarî, verva destkewteyanê Rojava prosesêko newe yê komployî visto dewre. Bêşik, no proses ke bi destê çeteyanê sey DAIŞ û HTŞ’yî yê neyarê merdimîye ra yeno rayraberdene, di şexsê Rojava de waştena azadî û demokrasî yê şaran û taybetî zî gêrayîşê statûyê şarê kurdî kenê hedef.
Na yewe ra pawitena îradeyê Rojava vejîyayo meydan û pawitişê destkewteyan tena ne wezifeyê paştidayene yo; seba şaranê Rojhêlatê Mîyanênî û dinya berpirsîyarîyeka tarîxî û komelî ya. No helwest eynî wextî de na cografya de şer û krîzî yênê xorînkerdene, îfadeyê qerardarîya awankerdişê aştî û ameyoxê ke demokratîk o.
Ganî ma xo vîr ra nêkerê ke; ameyoxê şarê kurdî û şaranê herême na yewe de ya, komelî bi sînoranê destviraşteyan têra ameyê birnayene, bi ruhêko hempar serê bingeyê hişmendîyê “neteweyê demokratîk” bêrê têhet. Seba naye yewîya netewî yê demokratîk ne tena amancêk a, eynî wextî de mecbûrîyetêka tarîxî ya.
Ma bi ruhê yewîya neteweyî yê demokratîk, sînoranê viraşteyan yê ke sîyasetê kolonyalîstî ferz kenê, vîyartenê û xoverdayîşo birûmet ê ke îradeyê cuya hempare, azadî û têduştîya şaran pawenê, selam kenê, ma vengdayîşê heme hêzanê demokrasî kenê ke nê mîrasê unîversalî bipawê û gird bikerê.
Meşaleyê azadî yê ke Rojava de geş bîyo, bi stratejîya ‘Rayîrê Hîrêyîn’e yê Rayber Abdullah Ocalanî ra bîya yew û mojneyena rayîrê cuya azade û demokratîk seba şaranê herême bidomnê.
Bi na bawerî û qeardarî, ma 1ê sibate Roja Paştîdayena Rojava yê dinya selam kenê
Biciwîyo Xoverdayîşê Rojava!
Biciwîyo Yewîya Netewî yê Demokratîk”
