Meteorolojîyî zaf şaristanan rê hişyarîya varanê şîpî û eştena biluskan kerd.
Meteorolojîyî raporê texmînê hewayî yê rojane eşkera kerd. Goreyê raporî, texmîn beno ke Egeya kêlekî û Antalya, Bartin, Sînop û Samsûn û dorûverê înan de varano bi şîp û varano bi bilusk bibo. Siba û şewe de Marmara û herêmanê zereyînî û rojhelatî de mij û ca ca tarî bêro hêvîkerdene.
Kurdîstan pêro de texmîn beno ke hewa parçe parçe û kêm ewrîn bibo. Siba û şewe de herêm pêro de mij û ca ca tarîyîye bibo. Erzirom de 8, Qers de 8, Meletî de 13, Wan de 8, Amed de 15, Mêrdîn de 12, Sêrt de 13 û Riha de 17 derece bibo.
Herêma Marmarayî de hewa parçe parçe û zaf ewrîn, başûrê Çanakkale û qezayanê rojawanê Balikesîrî de varan do bibo. Siba de mij û ca ca tarî bêro hêvîkerdene. Va herême pêro de başûr û başûrrojawan ra xurt (40-60 km/seat) bêro pawitene.
Herêma Egeyî de hewa parçe parçe û zaf ewrîn, Egeya kêlekî de ca ca varanê bi lez û varanê bi bilusk do bo. Siba û şewe de mij û ca ca tarî bêro pawitene. Va herême pêro de başûr û başûrrojawan ra xurt (40-60 km/seat) bêro pawitene.
Herêmê Deryaya Spî de hewa parçe parçe û zaf ewrîn, dorûverê Antalya, qezayanê başûrê Îspartayî û kêlekê Hatayî de ca ca varano bi lez û varano bi bilusk do bo. Sibe û şewe de herêm ra zereyînî de mij û ca ca tarî bêro pawitene.
Herêmê Anadolîya Zereyîne de hewa parçe parçe, ca ca zaf ewrîn do bo. Sibe û şewe de herêm pêro de mij û ca ca tarî bêro pawitene.
Deryaya Sîyaye ya Rojawanî de hewa parçe parçe û zaf ewrîn, dorûverê Bartin û Sînopî û kêlekê Kastamonûyî de ca ca va û varan do bibo. Siba û şewe de herêm ra zereyîni de mij û ca ca tarî bêro pawitene. Deryaya Sîyaye ya Mîyanênî û Rojhelatî de hewa parçe parçe û zaf ewrîn, dorûverê Samsûnî de varan do bibo. Siba û şewe de herêma zereyênî de mij û ca ca tarîyîye bêro pawitene.











