Hemserekê Pêroyî yê DEM Partî Tuncer Bakirhan û heyeto ke ey reyde zîyaretê şînî Parka Koşuyolî kerdê û keyeyê cangorîyan rê serweşîye waşt.
Bi pêşengîya Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) ya Amedî, Amed de seba 49 cangorîyanê Têgerayîşê Azadîye yê Kurdî yê ke tarîxanê cîyayan de cuya xo ra bîyê, Parka Koşuyolî ya Amedî de şîn ame ronayene.
Şîno ke serê sibayî saete 08:00î de dest pêkerdbi, dewam keno, bi hezaran kes zîyaretê şînî kenê.
Hemserekê Pêroyî yê DEM Partî Tuncer Bakirhan û heyeto ke ey reyde, badê nêmerojî zîyaretê çadirê şînî kerd û yew bi yew keyeyan rê serweşîye waşt.
