Serekê Herêma Kurdîstanî Nêçîrvan Barzanî û Hemserekê Pêroyî yê DEM Partî Tuncer Bakirhanî pêvînayîşêk kerd. Pêvînayîş de prosesê aştîye yê Tirkîya û Vakurê Kurdîstanî ame erjnayene.
Serekê Herêma Kurdîstanî Nêçîrvan Barzanî ewro Hewlêr de Hemserekê Pêroyî yê DEM Partî Tuncer Bakirhanî reyde kom bî.
Serekîya Herêma Kurdîstanî babeta pêvînayîşî ser o eşkerayîyêk vila kerde. Eşkerayîye de ame dîyarkerdene ke her di hetan muhîmîya şuxulnayîşê nê firsendê tarîxî yê seba aştîye ser o qisey kerdo û tekrar kerdo ke ganî no firsend vîndî nêbo.
Pêvînayîş de ame dîyarkerdene ke piştîdayîşê heme hetan seba prosesî muhîm û lazim o.
Eşkerayîye de ame dîyarkerdene ke Nêçîrvan Barzanî piştîdayîşê xo yê seba prosesê aştîye ardo ziwan û mojno ke seba serkewtişê prosesî hazir o her hatkarîya lazimî bikero. Hemserekê Pêroyî yê DEM Partî Tuncer Bakirhanî zî seba helwest û cehdanê Nêçîrvan Barzanîyî yê ke piştîdayîşê prosesî kenê, sipasîya xo pêşkeş kerd.
