TJA vera qerarê betalkerdişê nefeqayî yê AYM’yî nêrazîbîyayîşê xo mojna û dîyar kerd ke ê nê hêrişî nas nêkenê ke bi hawayêko eşkera heqanê destkewteyanê cinîyan û no qeraro ke amanc keno ke heqê nefeqayî xesp bikero.
Têgêrayîşê Cinîyanê Azadan (TJA) derheqê qerarê bedilnayîşê telîmatnameyê nefeqayî yê Mehkemaya Destûrê Bingeyîn (AYM) de eşkerayîyêk da. TJA eşkerayîya xo de dîyar kerd ke aqilê camêrd-dewlete û sîstemê pederşahî, hêrişanê xo yê destkewteyanê ke cinîyan bi bedêlanê giranan gîrewtî, înan ser o dewam kenê û wina vat: “Qerarê Mehkemaya Destûrê Bingeyîn ê derheqê betalkerdişê qanûnê ke heqê nefeqayî nas keno; qerarêko winasîn o ke huqûqî ra dûrî yo û bi mudaxaleyêko sîyasî yo ke bi temamî bingeyanê îdeolojîkan ser o ameyo awankerdiş, ameyo dayene. Ma nê qerarî; sey parçeyêkê konseptê tesfîyeya organîzeyî vînenî ke wazeno cinîyan mîyanê dama keyeyî de heps bikero û îradeyê a înan ê ciwîyayîşî bişikno. Ma sey TJA, no qeraro ke warê cîwîyayîşî cinîyan teng keno, bi eşkereyî red kenî!
Sînordarkerdişê heqê nefeqayî yeno manayê mehkumkerdişê cinîyan seba xizanîyêka xorîne û bêçareverdayîşê cinîyan ê mîyanê çerxê şîdet, teda û mefkerdişê karkerîye de û nê çîyî vatî: “Ma do heqanê xo yê ke ma bi xoverdayîşî gîrewtî, reyna bi xoverdayîşî bîpawî. Heqê nefeqayî yo domdar, ne lutfê dewleta pederşah o; berhemê têkoşînê kolektîf ê cinîyan o ke kuçeyan de û di her warê cîwîyayîşî de rayra berdo. Ma sey TJA nê hêrişê eşkera nas nêkenê ke heqanê destkewteyanê cinîyan û no qeraro ke amanc keno heqê nefdqayî xesp bikero, nas nêkenî!”
