Merkezê Muşahadeyî Heqê Merdiman yê Sûrîye (SOHR) dîyar kerd ke roja peyêne de 177 kesî ameyê kiştene.
Merkezê Muşahadeyî Heqê Merdiman yê Sûrîye (SOHR) dîyar kerd ke 4 saetanê peyên de qirkerdişê ke Tertûs, Laziqîye û Hemayî de ameyê kerdene, înan ra vete, tewr kêm 19 kesî Sûrîye de ameyê kiştene.
Goreyê SOHR’î dewa Xelsa ya başûrê şaristanî Helebî şerêko çekdarî yê mabênê datzayan de 2 hebî ci gedeyî 7 kesî ameyê kiştene. Rayîrê Tertûs- Banyasî ser o zî ciwanêk bi guleyanê grûbêka çekdare ame kiştene. SOHR’î dîyar kerd ke herêma Zerzorîyî yê dews Humisî kesêk wexto ke karî ra agêrayêne, hêrişê çekdaran de ame kiştene. Şaristanê Hîrakî yê Derayî de zî çekdaran 3 kesî kiştê. Bejê Kebacib û Beşrî yê dewa Dêrazorî de riyê teqîyayîşê mayînanê mendayanê şerî ra yewî înan gede 4 kesan dinyaya xo bedelnaye. Şaristanokê Şêx Îdrîs yê rojhelatê Îdlîbî de zî kesêk ame kiştene. Ame zanayene ke Humsî de kesêk ke di rojî yo nêaseno, meytê ey pelê Nesara de ame vînayene û rêçê guleyan ey ser o ameyê vînayene.
SOHR’î bale ant ser qeraxanê Sûrîye zî û da zanayene ke 24 saetan de 3 qirkerdişî Tertûs, Laziqiye û Hemayî de ameyê kerdene û netîce de 158 kesî ameyê kiştene.
