Seba endamanê Konseyê Fermandarîye ya HPG’yî Fetîh Şarlatan û Bedîrhan Abo yê ke nameyê înan ame parekerdene, tarîxanê cîya de Herêmanê Pawitişî yê Medya de cuya xo vîndî kerdbî, Taxa Xaçort de mewlid ame dayene.
Seba endamanê Komîteya Merkezî ya PKK’yî û endamanê Konseya Fermandarîye ya HPG’yî Sabrî Tendurek (Fetîh Şarlatan) û Masîro Xabûr (Bedîrhan Abo) yê ke şehadetê înan amebi parekerdene, serranê 2016 û 2020î de Herêmanê Pawitişî yê Medya de cuya xo vîndî kerdbî, Taxa Xaçort a qezaya Rêya Armûşî ya Wan de mewlid ame dayene. Endam û rayberê MEBYA-DER, TUHAY-DER, DBP û DEM Partî, aktîvîstê TJA’yî, Dayikê Aştî, Meclîsê Ciwanan ê DEM Partî û DPB, KURDÎGEH, Komela Meleyan, Parlamenter Gulderen Varli, Hemşaredarê Wanî Abdullah Zeydan, hemserekê qezayan ê DBP û DEM Partî beşdarê mewlidî bîyê.
Seba kesanê ke têkoşînê azadîye û demokrasî de cuya xo vîndî kerda, rêze ameye girewtene. Dima fatîha û mewlid ameyê wendene.
