Şarê Kobanê verva çeteyanê HTŞ, SMO û Tirkîya Warê Jina Azade ê Kobanî vejîyayê waran û bi girewtişê govende û deyîran moralê xo yê verva hêrişan mojna.
Hêrişê çeteyanê girêdayeyî HTŞ, SMO û Tirkîyeyî Rojava ser o dewam kene. Çeteyan şaristanê Kobanî dorpêç kerdo û ceyran û înternetê şaristanî birnayo. Welatijê Kobanî verva hêriş û dorpêçî vejîyayê waran. Welatijê Kobanî yê ke Qada Jina Azade ê şaristanî de kom bîy, bi deyîran govende girewte û sloganê “Bijî berxwedana Kobanî” “Ev der Kobanê ye warê egîd û şeran e” berz kerdî. Welatijê Kobanî bi moralêko gird nobeta xo yê verva hêrişan dewam kenê.
