Operasyonî de ke merkezê ey Îstanbul de yo, rojnamegerê ke ameyê tepiştiş, seba ke îfadeyê înan bigîrîyo, ameyî adlîye.
Cipersayîşo ke merkezê ey Îstanbul de yo, çarçewaya ci de 17ê Çeleyî de eştişanê keyeyan de rojnamegerê ke ameyê tepiştiş Necla Demîr, Rahîme Karvar, Ehmed Guneş û Welat Ekîn emniyet de karê înan qedîya. Rojnamegerî Necla Demîr, Rahîme Karvar, Ehmed Guneş û Welat Ekînî seba îfadeyê dozgerî yê Adlîyeya Îstanbulî ya Çaglayanî ameyî ardene.
Hetêk ra zî îfade bîyo ke îfadeyê Reyhan Haciogluyî ke Wanî de ameybî tepîştiş û yê Wedat Oruçî ke Mersînî de ameybî tepîştiş do bi SEGBİS’î (Sîstemê Enformasyon ê Veng û Resimî) bêro girewtene.
Emniyetî de derheqê xeber û programanê munaqeşeyan de ke rojnamegeran kerdî, persî ameyê perskerdene û ameyî sucdarkerdiş. Emnîyetî de, derheqê naye de ke çira tecrîdo ke Serekê PKK’yî Abdullah Ocalanî ser o yo bîyo mewzuyê programan de zî persî ameyê perskerdiş.
