Rojnameger Fermandar Kardeş o ke hîrê rojî yo nezaretxane de yo, bi şertê kontrolê edlî û qedexeyê vejîyayîşê teberê welatî ame veradayîş.
Rojnameger Fermandar Kardeş 25ê temmuze de Stenbol de sereştişê keyeyê xo de amebi destbendkerdiş. Dimayê karûbaranê xebatanê îfadeyî yê emnîyetî, sewqê Edlîyeya Çaglayanî ya Stenbolî ame kerdiş. Dozgerîye derheqê xebatanê rojnamegerîye de Fermandar Kardeşî ra persî pers kerdî. Ferman Kardeşî sucdarîyê vera xo red kerdî û dîyar kerd ke çîyê ke ey kerdê çarçewaya xebatanê rojnamegerîye de yê.
Dozgerîye bi şertê kontrolê edlî Fermandar Kardeş sewqê Mehkemaya Cezayanê Sulhî kerd. Mehkema bi şertê kontrolê edlî û qedexeyê vejîyayîşê teberê welatî derheqê Fermandar Kardeşî de qerarê veradayîşî da.
