Şero ke mabênê Îsraîl û Hîzbullahî de aşma adare ra nat dewam keno, rîyê hêrişanê Îsraîlî yê vera Lubnanî rijnayîş û xesarêko zaf giran viraşt.
Dimayê nê xesarê pîlî ke Lubnan de ameyo meydan bi raporêk asta ci ameye eşkerakerdene.
Nêzdîyê 12 hezar awanî bi temamî rijîyayî
Goreyê xebata hempar a Programê Averşîyayîşî yê Neteweyanê Yewbîyayeyan (PNUD û Konseya Neteweyî ya Cîgerayîşê Zanyarî ya Neteweyî (CNRS) a girêdayeyê hukmatê Lubnanî, herêma başûrê welatî de 11 hezar û 95 awanî bi temamî rijîyayê.
Raporî de ame dîyarkerdiş ke no rîjîyayîş 17 hezar û 891 awanîyan de bi temamî zerar viraşto; 2 hezar û 242 awanîyan de zî biney xesar viraşto.
Malîyetê xesarî 1,38 mîlyar dolar o
Goreyê raporo “erjnayîşo bilez” ke hetê têvernayîşê dîmenanê peykî ê wextê peyênî yê peynîya aşma nîsane û teşrîna verêne ya 2025î ameyo amadekerdene, malîyetê xesarî ke rîyê şerî ra vejîyayo meydan, 1,38 mîlyar dolar o.
Cîgerayoxî dîyar kenî ke na reqame tena seba wextêko dîyar o û xesarê newe yê ke hewteyanê peyênan ê şerî de ameyî meydan, hema mîyanê erjnayîşî de çin ê.
Nêzdîyê 4 hezar kesî merdî, 1 mîlyon kesî zî cayê xo ra bîyê
Goreyê rayedaranê Lubnanî, şerê de ke aşma adare ra nat dewam keno, tewr kêm 4 hezar û 100 kesî cuya xo ra bîyê. Rîyê nê şerî ra zfêrê 1 mîlyon kesî zî mecbur mendî ke keyeyanê xo biteriknê.
Zana û pisporî vanî ke dimayê qedîyayîşê şerî, demê newera anwankerdişê welatî do serran bigêro û tewr zêde başûrê Lubnanî de do hewcedarîyêka pîle seba paştîdayîşê mîyanneteweyî biba.
