Qanûnê çarçewa yê “Xurtkerdişê Piştdayîşê Mîlî û Pêameyîşê Komelkî” vizêrî ra nat Komîsyonê Edaletî de yeno munaqeşekerdiş, badê raydayîşî endamanê komîsyonî ê partîyanê sîyasî, qanûnê çarçewa komîsyonî ra derbas bi û Heyetê Pêroyî yê Meclîsî rê ame erşawitiş.
Qanûnê çarçewa yê “Xurtkerdişê Piştdayîşê Mîlî û Pêameyîşê Komelkî” ke prosesê Aştî û Komelê Demokratîk ra eleqedar o, 5ê tebaxe de bi 367 îmzayanê parlamenteran, Serekê Meclîsî rê amebi erşawitiş û Komîsyonê Edaletî de amebi nîqaşkerdiş. Qanûnê çarçewa ser o nîqaşê, vizêrî saete 15:30î dest pêkerd û 18 saetî dewam kerd.
ÎYÎ Partî, seba madeyanê qanûnê çarçewa şerh nayê ro û sewbîna ewro hetanî saete 11:00î partîyêke biwazo eşkena binê qerarê komîsyonî de şerhanê xo rono.
Yeno pawitene ke badê 48 saetan, Heyetê Pêroyî yê Meclîsî rê bêro erşawitiş.
