Qamişlo de bi hezaran kesî bi waştişê azadîya fîzîkî ya Rayberê Şarê Kurdî Abdullah Ocalanî rayîrşîyayîş organîze kerd.
Şaristanê Qamişlo yê Vakur û Rojhelatê Sûrîye de bi hezaran kesî bi waştişê azadîya fîzîkî ya Rayberê Şarê Kurdî Abdullah Ocalanî rayîrşîyayîş organîze kerd. Rêxistinê girseyî yê demokratîk, temsîlkarê dîn û bawerîyan û bi hezaran welatijî vengdayîşê Meclîsê Şarî yê Qamişloyî çatrayîrê Sonî de ameyê têhet. Bi hezaran kesanê ke dest bi rayîrşîyayîşî kerd, zaf reyî sloganê “Bijî Serok Apo” vatî û posterê Abdullah Ocalan girewtê. Rayîrşîyayîş, merkezê şaristanî de dewam kerd û şar û bawerîyanê cîyayan ra xeylê kesan paştî daye rayîrşîyayîşî.
Kongra Star û Alimê Dînî rayîrşîyayîşî ra pey, çatrayîrê Şehîdan de bi kurmancî û erebkî eşkerayî daye. Eşkerayî de tecrîdo girankerdene yê Rayberê Şarê Kurdî Abdullah Ocalanî ser o yo, ame şermezarkerdene û ame vatene ke azadîya fîzîkî ya Rayberê Şarê Kurdî Abdullah Ocalanî do seba şaranê Rojhelatê Mîyanênî dîyarker biba.
