Endamê Têgêrayîşê Azadîye Muhammed Bogadir (Rustem Baran) ke 2019 de cuya xo ra bî, wexto ke şono ko keyeyê xo ra vat, “Wexto ke ez şehîd biba Ala Rengîne darbesta mi ser o ronê.” May û pîyê ey vanê: “Ma wazenê aştîyêka menda virazîya.”
Muhammed Bogadir (Rustem Baran) 1992 de Dewa Cano ya Farqînî ya Amedî de ame dinya. O 7 serre bî ke Rayberê Şarê Kurdî Abdullah Ocalan bi komployêkê mîyanneteweyî ame tepîştene û nê serebûdî sey herkesî ey ser o zî tesîr kerd.
Bogadirî heşt serrî mekteb wend û dima seba debara keyeyê xo dest bi kar kerd. 2009 de 17 serre bî ke Êlih de kewt xebatanê ciwanan û rêxistinkerdişî, zaf rey ame tepîştene û îşkence dî. 2015 de wexto ke DAÎŞî Rojawanê Kurdîstanî û Şingalî ser o hêriş kerd beşdarê gerîla bî.

O Şirnex de şerê xoserîye de ca girewt, dima Herêmanê Pawitişî yê Medya de wezîfe girewt û vîyart Şingal. Ey pakkerdişê Şingalî yê çeteyanê DAÎŞî ra de kedêka girde daye. 29ê nîsane 2019î de herêma Garê ya Başûrê Kurdîstanî de şerêkê giranî de şehîd bî.
Maya ey Nazîfe Bogadire vat ke lajê aye domanîye de zî wayîrê tepşî bî û verê ke beşdar bibo Wan de ame destbendkerdene û des rojî îşkence dî. Bogadire wina vat: “Rojêk tayê çîyî nuştbî û daybî waya xo. Vatbi, ‘Wexto ke ez şehîd biba Ala Rengîne darbesta mi ser o ronê û tilîlî bikerê.’ Ma wazenê haştîyêka menda virazîya û silhêk bêro nê welatî.”

Pîyê ey Ramazan Bogadirî vat ke lajê ey qet zulm qebul nêkerdêne û ruhê ey gerîlayan reyde bî. Ey wina vat: “Ez heme mal û serwetê xo bida zî qasê şeref û rûmetê ey nêkenê. Di dînî û di Kurdîstanî çin ê, Kurdîstan yew o. Ma wazenê haştîyêka menda virazîya û herkes bireso aramîye.”









