Koçberê ke herêma Efrînî ra ameybî û Kobanî de ciwîyayêne, ewro bi merasîmêko qelebalix ver bi şaristanê xo Efrînî kewtê rayîr.
Herêma Efrînî ke 18ê adara 2018î de hetê çeteyanê girêdayeyê dewleta tirkan ra ameybî îşxalkerdiş, peynî de bi des hezaran roniştoxê ci koçber bîyî. Dimayê 8 serranê koçberîye, goreyê madeyanê pêameyişê mabênê îdarekarîya Rojava û hukmatê demkî yê Sûrîye yê semedê agêrayîşê asayîş ê koçberan, ewil koçberê Efrînî agêrayî.
Herêma Cizîr ke heta nika 4 karwanî agêrayî, ewro şaristanê Kobanî ra zî koçberê ke est ê û tede 623 keye est bîyî, bi slogan, tîlîlî û şayîyêka pîle kewtî rayîr û ver bi Efrînî kewtê rayîr.
Merasîmê oxirkerdişê şarê Efrînî de, Îdarekarê hêzê Asayîşê Rojava û yê hukmatê demkî, eynî wextî de temsîlkar û îdarekarê Kobanî û Helebî û şarê Kobanî amade bîyî.
Karwano ke dewa Rovî ya Başûrê Kobanî de ame pêser, uca de hetê îdarekara Kobanî ra eşkerayîya çapemenîye ya girêdayîyê agêrayîşê asayîş ê koçberan ê ver bi şaristanê înan ame dayîş.
Sewbîna Mizgîn Xelîl wina vat: “Ma sey şarê Kobani 8 serrî şarê Efrînî kerd mêmanê xo, dej û azarê înan pare kerd. Ewro ra dima raywanîyêka derg a koçberîya bi zorî, şarê ma agêreno mal û warê xo yê resen. Fikr û hêvîyê ma no yo ke na gama pîroz a ke yena eştiş, ver bi destpêkêko newe yê garantîkerdişê aramî û aştîya Sûrîye. Waştişê ma zî o yo ke heme koçberî bi kultur, ziwan û nasnameyê xo reyna agêrê herra xo ser.”
