Koordînasyonê KJK’yî semedê wefatê dayîka yew pêşenganê Hereketê Azadîya Cinî û kadroyanê ronayoxan ra yê PKK’yî Sakîne Cansiz (Sara) mesajêk serweşîye weşana.
KJK’yî eşkerayîya xo de xemgînîya xo ard ziwan û serweşîye keyeyê Cansiz û şarê welatperwerî rê waşt. Mesaj de ame dîyar kerdene ke hemraya Sakîne Cansiz seba azadîye şerêko gird û bedêlêko giran dayo. KJK’yî eşkera kerd ke dayîka Zeynep Cansiz zî do sey cinîyêka afirînere, şahid û hemraya na dewa ya her tim sey kedkarêka pîroz ê têkoşînê cinîyan de bêro vîradene.
‘Ma dayîkanê xo qet xo vîr ra nêkenê’
KJK’yî bale ante serê rolê tarîxî yê dayîkan a şorişê Kurdîstanî de û wina dewam kerd: “Şorişê ma serê bingeyê bedêlê dayîkan û azadî cinîyan vejîya vernî. Kurdistan de sîstemo dagirker tena bi azadîya cinî eşkeno bêro çinkerdene. Zerrîya înan a bi dej, bîya sereyê ke tu wext nêameye tewênayene. Ma do sey emanetêke komelê azadî, dayîkana xo mîyanê têkoşînê xo de bipawê û înan qet xo vîr ra nêkerê.”
