Koordînasyonê PAJK û KJKyî seba Şehîdanê Azadîya Kurdîstanî mesajêkê serweşîye vila kerd û vat: “Ma bi mîrasê şehîdanê xo yê erjîyayeyan ameyî nê rojan û ma do sibayê xo zî mîrasê înan ser o awan bikerê.”
Koordînasyonê PAJK û KJKyî eşkerayîye daye û keyeyanê şehîdan û şarê Kurdîstanî rê serweşîye waşte. Eşkerayîye de şexsê şehîdanê aşma tebaxe de Jîyan (Yildiz Durmuş), Ekîn Wan, Denîz Firat, Erdal, Qasim Engîn, Atakan Mahîr û Mustafa Yondemî heme Şehîdê Azadîya Kurdîstanî ameyî yadkerdene.
Eşkerayîye de ame vatene: “Erjê tewr girdî yê şarê kurdan; welatêko azad û şehîdê ke seba cuyêka birûmete têkoşîn danê û nê rayîrî ser o ganê xo feda kenê. Ma zanê ke wayîrê raştikênî yê heme destkewteyanê ma şehîdê ma yê fedakar ê. Rayber Apo vano ‘Şehîdan zerîya xo de binimnê, herre de ney’ û îfade kerd ke ganî ma senî şehîdanê xo reyde biciwîyê.”
Eşkerayîye de ame vîrardiş ke qeraranê Kongreya 12. ya PKKyî ra yew îlankerdişê şehîdanê ke heta nika bi sebebê şertanê giranê şerî nêameybî îlankerdene: “Bi na wesîle Amed, Îstanbul, Wan, Gever û Cizîra Botanî de şehadetê xeylê hevalanê ma yenê îlankerdene. Ma sozê xo yê welatêko azad û cuyêka birûmete reyna îfade kenê. Beşdarbîyayîşê girseyî yê şarê ma yê merasîmanê şehîdan cewabê vengdayîşê Rayberî yo.”
Eşkerayîye de ame vatene ke ciwîyanayîşê şehîdan caardişê xeyalanê înan o: “Ma venga heme şarê xo û dostanê xo danê ke vîr û xeyalanê şehîdanê cuya azade gandar bikerê. Ma eşkenê Kurdîstan de her şehîdê xo komunan de bidê ciwîyayene, her cayê Kurdîstanî yo ke ame veşnayene, tede nameyê şehîdan ser o daran ronê. O çîyo ke nê komelî keno komel, keda şarî ya.”
Eşkerayîye wina qedîyaye: “Rayber Apoyî vat ‘Ez dest ji dilsozîya bi wesîyeta şehîdan re naberdim’ û ewro bi Prosesê Haştî û Komelê Demokratîkî gama tewr girde eşte. Coka tewrbîyayîşê nê prosesî, awankerdişê cuya demokratîke û awankerdişê komunan tekane rayîrê nêmerdişê şehîdanê ma yê fedakaran o. Zerrîwazîya vîrê şehîdan verê her çîyî caardişê azadîya fîzîkî ya Rayber Apoyî ya. Nê esasî ser o ma venga heme şarê xo yê welatperwerî danê ke sewîyeya seferberîye de tewrê hemleya azadîya fîzîkî ya Rayber Apoyî bibê û nê prosesî bikerê komelkî.”
